Avropa Şurası Parlament Assambleyasının İnsan Haqları və Hüquq Komitəsi martın 24-də Berlində keçirilən iclasında Azərbaycanda siyasi məhbuslarla bağlı məruzəçi təyin edib. Məruzəçi Avropa Şurası Parlament Assambleyasında Almaniya Bundestaqını təmsil edən sosial demokrat Kristofer Ştrasserdir. Beynəlxalq insan hüquqları qrupları Azərbaycanda siyasi məhbus probleminin mövcudluğundan narahatlığını izhar edir, hökumət rəsmiləri isə ümumiyyətlə Azərbaycanda siyasi məhbus olmadığını deyirlər. Bu mövzuda ətraflı diskussiya aparmaq üçün dəyirmi masa söhbətimizə Sülh və Demokratiya İnstitutunun direktoru Leyla Yunus və Milli Məclisin insan hüquqları üzrə daimi komissiyasının üzvü Yevda Abramovu dəvət etdik.
Azərbaycan siyasi məhbus üzrə məruzəçinin təyin olunmasına reaksiya verən Leyla Yunus bunu düzgün addım adalandırdı. Hüquq müdafiəçisinin sözlərinə görə, Azərbaycanda siyasi məhbus problemi ağır olaraq qalır və ölkədə siyasi repressiya güclənməkdədir. O, jurnalistlərin və müxalifətlə əlaqəli şəxslərin siyasi motivlərlə həbs olunmasından narahatlığını dilə gətirərək bu növ praktikaya son qoyulmasına çağırdı. Leyla xanımın fikrincə siyasi məhbusların azadlığa buraxılması üçün Avropa Şurasının Azərbaycana təzyiq göstərməsi mühümdür.
Milli Məclis üzvü Yevda Abramov isə Azərbaycan hökumətinin rəsmi mövqeyini təkrar edərək Azərbaycanda siyasi məhbusların mövcud olmadığını bildirdi. O, söylədi ki, tutulan şəxslərin həbsində heç bir siyasi motiv mövcud olmayıb. Yevda bəy həmçinin Avropa Şurasını Azərbaycana qarşı qərəzli mövqe sərgiləməkdə günahlandırdı. Belə ki, onun fikrincə, Ermənistanda da siyasi problemlər mövcud olduğu halda Avropa qurumu əsas diqqətini Azərbaycana qarşı yönəldərək rəsmi Bakını gözdən salır.
Verilişə Fransadan qatılan və keçmişdə Azərbaycanda siyasi təqiblərə məruz qalmış Aqil Xəlil Avropa Şurasının Azərbaycana siyasi məhbus üzrə məruzəçi təyin etmək qərarını alqışladı. O, ölkədə insan hüquqlarına riayət olunmadığını vurğulayaraq kənardan belə bir müdaxilənin müsbət nəticələr verə biləcəyinə ümidini izhar etdi. Həbsdə olan jurnalist Eynulla Fətullayevin atası Emin Fətullayev Yevda bəyə vaxtikən Sovet dövründə dissidentlərin həbsdə saxlanmasını xatırlatdı. O, millət vəkilini ölkədə baş verən hüquq pozuntularına obyektiv yanaşmağa çağırdı. Azadlıq qəzetinin həbsdə olan baş redaktorunun həyat yoldaşı Ayəndə Zahidova Azərbaycanda siyasi məhbus probleminin ciddiliyini önə çəkdi. O, Avropa Şurasının bu məsələdə əziyyət çəkən insanlara yardımçı olacağı barədə ümidlərini dilə gətirdi.
Azərbaycan siyasi məhbus üzrə məruzəçinin təyin olunmasına reaksiya verən Leyla Yunus bunu düzgün addım adalandırdı. Hüquq müdafiəçisinin sözlərinə görə, Azərbaycanda siyasi məhbus problemi ağır olaraq qalır və ölkədə siyasi repressiya güclənməkdədir. O, jurnalistlərin və müxalifətlə əlaqəli şəxslərin siyasi motivlərlə həbs olunmasından narahatlığını dilə gətirərək bu növ praktikaya son qoyulmasına çağırdı. Leyla xanımın fikrincə siyasi məhbusların azadlığa buraxılması üçün Avropa Şurasının Azərbaycana təzyiq göstərməsi mühümdür.
Milli Məclis üzvü Yevda Abramov isə Azərbaycan hökumətinin rəsmi mövqeyini təkrar edərək Azərbaycanda siyasi məhbusların mövcud olmadığını bildirdi. O, söylədi ki, tutulan şəxslərin həbsində heç bir siyasi motiv mövcud olmayıb. Yevda bəy həmçinin Avropa Şurasını Azərbaycana qarşı qərəzli mövqe sərgiləməkdə günahlandırdı. Belə ki, onun fikrincə, Ermənistanda da siyasi problemlər mövcud olduğu halda Avropa qurumu əsas diqqətini Azərbaycana qarşı yönəldərək rəsmi Bakını gözdən salır.
Verilişə Fransadan qatılan və keçmişdə Azərbaycanda siyasi təqiblərə məruz qalmış Aqil Xəlil Avropa Şurasının Azərbaycana siyasi məhbus üzrə məruzəçi təyin etmək qərarını alqışladı. O, ölkədə insan hüquqlarına riayət olunmadığını vurğulayaraq kənardan belə bir müdaxilənin müsbət nəticələr verə biləcəyinə ümidini izhar etdi. Həbsdə olan jurnalist Eynulla Fətullayevin atası Emin Fətullayev Yevda bəyə vaxtikən Sovet dövründə dissidentlərin həbsdə saxlanmasını xatırlatdı. O, millət vəkilini ölkədə baş verən hüquq pozuntularına obyektiv yanaşmağa çağırdı. Azadlıq qəzetinin həbsdə olan baş redaktorunun həyat yoldaşı Ayəndə Zahidova Azərbaycanda siyasi məhbus probleminin ciddiliyini önə çəkdi. O, Avropa Şurasının bu məsələdə əziyyət çəkən insanlara yardımçı olacağı barədə ümidlərini dilə gətirdi.