Accessibility links

Moldova hökuməti etiraz askiyalarında Rumıniyanı ittiham edir


Rusiya xəbər agentliklərinin məlumatına görə, Moldova prezidenti Rumıniyanı Kişinyovdakı etiraz aksiyalarına qarışmaqda ittiham edib. Xəbərlərdə deyilir ki, prezident Vladimir Voronin Rumıniyanın Moldovadakı səfirini persona-non-qrata elan edib və ölkəsinin Rumıniyadakı səfirini geri çağırıb. Moldovanın iğtişaş polisi dünən bir çox nümayişçilər gecə evlərinə dağılandan sonra prezident aparatı və parlament binasını yenidən ələ keçirib. Daxili İşlər Nazirliyinin bildirdiyinə görə, polislər xuliqanlıq və soyğunçuluq ittihamları ilə 193 nəfəri həbs edib. Dünən əsasən gənclərdən təşkil olunmuş nümayişçilər parlament və prezident aparatı binasını mühafizə edən polisə üstün gəlmişdi. Tələbələr ölkədə bazar günü keçirilən seçkilərin nəticələrinə etiraz edir. Onlar Kommunist partiyasının seçkiləri saxtalaşdırdığını iddia edir.
XS
SM
MD
LG