İranda
həbs edilən amerikalı jurnalist Roksana Saberinin vəkili müdafiə etdiyi şəxsin
işi barədə nikbin olduğunu bildirib. O deyib ki, İranın Apellyasiya Məhkəməsi
müdafiəni təqdim edən zaman oradakı atmosfer jurnalistin lehinə olub. Vəkil
məhkəmənin 8 il azadlıqdan məhrum edilmiş Saberi haqda qərarın yaxın bir neçə
gündə çıxaracağını bildirib. 32 yaşlı jurnalist keçən ay casusluq ittihamları
ilə həbs edilmişdi. Onun ailəsi və ABŞ hökuməti bu iddiaları əsassız hesab
edir. Saberinin atasının sözlərinə görə, jurnalist 2 həftə aclıq aksiyası
keçirəndən sonra bu həftənin bazar ertəsi günü aksiyaya son qoymuşdu. Bağlı
qapılar arxasında keçən bugünkü məhkəmə iclasının şahidləri bildirir ki, Saberə
məhkəmədə yorğun və zəif görünüb.