Avstraliya
hökuməti ABŞ-ın Quantanamo Körfəzindəki məhbəsindən bir neçə məhbusu ölkədə
yerləşdirməyi nəzərdən keçirir. Xarici
İşlər Naziri Stefen Smit təsdiq edib ki, Obama administrasiyası Avstraliyadan
bəzi məhbusları qəbul etməyi xahiş edib, onun hökuməti ayrı-ayrılıqda
məhbusların işlərinə baxacaq. Avstraliya
əvvəllər sabiq prezident Corc Buşun iki bu növ xahişini rədd etmişdi. Sidney
Morning Herald qəzetinin yazdığına görə söhbət Quantanamoda saxlanılan 17 uyğur
məhbusdan gedir. Çinli müsəlmanlar
2003-cü ildə azadlığa buraxıla bilərdilər, lakin Çinə döndükləri halda
işgəncələrə məruz qalacaqları üçün ABŞ onları vətənə qaytarmaqdan imtina edir.