Ümumdünya Səhiyyə təşkilatı donuz qripi A H1N1 virusunn yayıldığı ölkələrin sayının 66-ya çatdığını bildirib.
Bu gün açıqlanan rəqəmlərə əsasən, dünyada 19 min donuz qripi halı qeydə alınıb, xəstəlik nəticəsində ölənlərin sayı isə 117-dir. Bu gün Səudiyyə Ərəbistanı ölkədə ilk donuz qripi halının qeydə alındığını bildirib.
Səudiyyə Ərəbistanının Səhiyyə naziri Abdulla əl-Rabia xəbər agentliklərinin nümayəndərlərinə bildiirb ki, xəstə Filippindən keçən həftə ölkəyə gəlimş tibb bacısıdır. Onda visurun simptomları aşkar edilmiş və testlərdən sonra onun virusa yoluxduğu müəyyən edilmişdir.
Filippinin özündə səhiyyə rəsmiləri bildirirlər ki, paytaxt Manilanın əsas universitetində xarici tələbədə donuz qripi aşkar edildikdən sonra təhsil müəssisəsi 10 günə bağlanıb.