Tehranda nümayişlər davam edir (Yenilənib)

İran dövlət mətbuatının məlumatına görə, İranın Nəzarət Şurası keçən həftənin cümə günü keçirilən prezident seçkilərində mübahisəli seçki qutularındakı səsləri yenidən hesablamağa hazırlaşır. Səslərin müəyyən hissəsinin yenidən hesablanması xəbəri Tehranda zorakılıqlarında qeydə alındığı nümayişlərdən sonra yayılıb. Seçkilərdə məğlub olmuş islahatçı namizəd Mir Hüseyn Musəvi dünən Tehranda yüz minlərlə tərəfdarlarını çərşənbə axşamı meydana toplaşmamağa çağırıb. O deyib ki, hökumət tərəfdarı nümayişçilərlə toqquşma olmasını istəmir. İran dövlət mətbuatının bildirdiyinə görə, dünən Musəvi tərəfdarları hökumət yönümlü hərbi qruplaşma Bəsicin Tehrandakı baş qərargahına hücum edən zaman 7 nəfər həlak olub. Şahidlər deyir ki, silahlılar nümayişçilərə atəş açıb. İran hökuməti bu gün bütün xarici jurnalistlərin reportaj hazırlamağa qadağa qoyub.