“Amnesty International” bildirir ki, Misir sabiq
yaraqlı liderinin oğlu da daxil olmaqla 6 çeçen tələbəni Rusiyaya deportasiya
etməyi planlaşdırır. Tələbələr Rusiyada işgəncələrə məruz qala bilərlər. İnsan
haqları qrupunun bildirdiyinə görə, Misir bu gün Maksud Abdullayevi məcburi şəkildə
Moskvaya geri qaytarmağa çalışır. Abdullayev may ayında hüquq-mühafizə orqanları
tərəfindən həbs edilən 35 xarici tələbədən biridir. Təşkilatın bildirdiyinə
görə, o, nəzarət altına alınan zaman Qəhirədəki Əl-Əzhər İslam Universitetində təhsil
alırdı. Misir Daxili İşlər Nazirliyi bu tələbələri fevral ayında Qahirədə
həyata keçirilən bomba hücumunun məsuliyyətini öz üzərinə götürən Əl-Qaidə
yaraqlıları ilə təmasda şübhəli bilərək saxlayıb.