Şahidlər Amerikanın səsinin Fars
xidmətinə bildirib ki, təxminən 13 min nəfərdən ibarət kütlə bu gün
seçkisonrakı zorakılıqların qurbanlarını anmaq üçün Tehranın əsas
qəbiristanlığına toplaşıb. Sakinlərin sözlərinə görə, normal günlərdə İran-İraq
müharibəsinin qurbanları dəfn olunan Beheşte Zahra qəbiristanlığını adi
günlərdə 9 min adam ziyarət edir. Hələlik nə qəbiristanlıqda, nə də Tehranın digər
yerlərində etiraz aksiyaları barədə məlumat daxil olmayıb. Daha əvvəl islahatçı
namizəd Mehdi Kərrubi bu günə planlaşdırılan anım mərasimini təxirə salıb. Mir Hüseyn Musəvinin "Facebook"dakı dəstək səhifəsi isə sabah dinc aksiyaların davam edəcəyi bildirilir. Səhifədə aşağıdakı sözlər yazılıb:
“Hərəkatın
canlı səsi yenidən eşidildi: “Allahu Əkbər”. Cümə günü hamımız İranın dünyaya məxsus
olmasını göstərmək üçün səmaya yaşıl şarlar buraxacağıq. 11 sentyabrda hamımız
amerikalı idik, indi isə bütün dünya iranlıdır”.