Amerikalılar
iyulun 4-ü atəşfəşanlıq, paradlar, və konsertlərlə qeyd etdi. Dünən gecə Nyu York və Vaşinqtonda əzəmətli
atəşfəşanlıq sərgilənib. İqtisadi
çətinliklər üzündən bir çox kiçik şəhərlər ənənəvi atəşfəşanlıq tədbirlərini
məhdudlaşdırmaq və ya ləğv etmək məcburiyyətində qalıblar. Şənbə günü həftəlik radio müraciətində ABŞ
prezidenti Barak Obama Amerikalıları dincəlməyə dəvət edib. Eyni zamanda o, xatırladıb ki, Birləşmiş
Ştatlar hazırda misli görünməmiş sınaqlarla üzləşir ki, bu sıraya iqtisadi geriləmə,
İraq və Əfqanıstanda müharibələr daxildir.
Bu bayram 1776-cı il, iyulun 4-də Amerika koloniyalarının Britaniyadan
müstəqilliyini elan etdiyi günü anır.