Accessibility links

Şimali Koreya yeni raket sınaqları keçirdi


Cənubi Koreyanın müdafiə naziri deyir ki, bu həftə keçirilən oxşar sınaqların ardınca Şimali Koreya şərq sahilindən bir neçə raket atıb. Raketlər Şənbə günü səhərdən başlayaraq atılıb. Yonhap xəbər agentliyi hərbi mənbələrə istinad edərək raketlərin qısa mənzilli Skad olduğunu bildirir. Son raket sınaqları ABŞ-ın müstəqillik günün qeyd etdiyi vaxta təsadüf edir. Əvvəllər də bayram günündə Pxenyan bu növ sınaqlar keçirib. ABŞ və Şimali Koreyanın qonşuları bu sınaqların təxribat xarakterli olduğunu bəyan edib. Cənubi Koreyanın baş qərargahlar rəisi bildirib ki, hərbi qüvvələr şimaldan qaynaqlanan biləcək təhlükənin qarşısını almağa tam hazırdırlar. Yaponiyanın xarici işlər nazirliyi də son sınaqları pisləyərək bunları ölkənin təhlükəsizliyinə qaşı təxribat kimi dəyərləndirib.
XS
SM
MD
LG