Əl-Qaidənin Sincanda uyğurların qətlinin qisasının alınacağı
acıqlamasından sonra Çin rəsmiləri Afrikadakı vətəndaşlarını qoruyacaqlarını
bildiriblər. Pekin habelə deyib ki, Uyğur icmaları olan Pakistan kimi qonşu
ölkələrlə də yaxın əlaqələrini və əməkdaşlığını davam etdirəcək. Londondakı
Risk Analiz şirkətinin bildirdiyinə görə, Əl-Qaidənin Şimali Afrika qanadı
Əlcəzair və Afrikanın digər yerlərindəki 50 min çinli işçini hədəf alacağını açıqlayıb.
Çinin Sincan regionunun paytaxtı Urumçi şəhərində iyulun 5-dən başlayan etnik
zorakılıqlar zamanı rəsmi məlumata görə,180 nəfər həlak olub. Məlumatda deyilir
ki, qurbanların çoxu Han çinliləridir. Pekin bu zorakılıqların 3 səbəbdən
başladığını bildirir. Bunlar Separatizm, Terrorizm və Ekstremizmdir.