Accessibility links

Misirdə Bitərəf Dövlətlərin Hərəkatı sammiti keçirilir


Bitərəf Dövlətlərin Hərəkatı sammitinə qatılan dünya liderləri Misrin Şarm əl Şeyx kurort şəhərində bi araya gəliblər. Kuba prezidenti Raul Kastro hərəkatın açılış sessiyasında “yeni maliyyə və iqtisadi dünya düzəni” yaradılmasına çağırıb. O, deyib ki, yeni maliyyə sistemi inkişaf etməkdə olan ölkələrə imtiyazlar verməlidir, lakin o, detallara varmayıb. Cənab Kastro hərəkatın prezidentliyini növbəti 3 il üçün Misir Prezidenti Hüsni Mübarəkə ötürüb. Hərəkatın 118 üzvü var və onun sammitlərinə Afrika, Yaxın Şərq, Asiya və Latın Amerikasından ölkələr qatılır. Belarus qurumun yeganə Avropalı üzvüdür. Bitərəflər Hərəkatı ilk sammitini 1961-ci ildə keçirmişdi. Bu quruma daxil olan dövlətlər Soyuq Müharibə dönəmində ABŞ yaxud da SSRİ ilə ittifaq qurmayan dövlətlər idi.
XS
SM
MD
LG