Accessibility links

Sabiq İran prezidenti referenduma səsləyir


Sabiq İran prezidenti Məhəmməd Xatəmi hökumətin legitimliyinə dair ümummilli referendum keçirilməsinə çağırıb. Onun təklifi bir neçə internet səhifəsində yayımlanıb. Müxalifət israr edir ki, prezident Mahmud Əhmədinejadın iyunun 12-də ikinci dönəmə seçilməsi saxtakarlıqlar nəticəsində baş verib. Başqa sabiq İran prezidenti də seçkilərlər bağlı mövqeyinə görə sərt tənqidlərə məruz qalıb. Iran mühafizəkarları Əkbər Haşemi Rəfsəncaninini cənab Əhmədinejadın yenidən seçilməsini sual altına almaqda ittiham edirlər.


İki keçmiş prezidentin bəyanatlarından sonra İranın ali dini rəhbəri Ayətulla Əli Xameneyi ölkədə qeyri-sabitlik cəhdlərinə qarşı xəbərdarlıq edib və Qərbi İranın daxili işlərinə müdaxilədə ittiham edib. O, bu günkü çıxışında deyib ki, ölkənin elitası İranın düşmənlərinə kömək edəcək şərhlər verməkdən imtina etməlidir. Müxalifət lideri Mir Hüseyn Musəvi isə verdiyi bəyanatda deyib ki, müxalifət tərəfdarlarının xarici dövlətlərlə əlaqəsi olduğunu irəli sürmək İranlı seçiciləri təhqir etməkdir. Bu arada Iran mühafizəkarları Haşemi Rəfsəncaninin cümə günkü xütbəsini tənqid etməkdə davam edirlər. Əhmədinejadın müttəfiqi Ayətulla Məhəmməd Yəzdi Mahmud deyir ki, cənab Rəfsəncaninin ötən cümə günü verdiyi xütbə müxalifət nümayişlərini qızışdırmağa yönəlib.
XS
SM
MD
LG