Prezidentliyə
başlamasından bəri ilk dəfə olaraq Barak Obamanın rəy sorğularındakı reytinqi 60
faizdən aşağı düşüb. Bir çox
amerikalılar onun iqtisadi fəaliyyətindən, büdcə kəsirindən və tibbi xidmət
planlarından narahatlıqlarını izhar edirlər.
ABC News/Washington Post tərəfindən keçirilən rəy sorğusunda prezidentin
fəaliyyətini bəyənənlərin sayı 59 faizdir.
Bu rəqəm bir ay əvvəlkindən 6 faiz azdır. Başlıca məsələlərdən biri olan tibbi xidmət
sahəsində gəldikdə yalnız 49 faiz Obamanın islahat səylərini dəstəkləyir. Bu, apreldə prezidentə verilən 57 faizlik
dəstəklə təzad təşkil edir. Prezidentin
müşavirləri ölkənin iqtisadi fəlakətdən qurtulduğunu israr edirlər. Buna baxmayaraq respondentlərin cəmi 52 faizi
Obamanın iqtisadi fəaliyyətini bəyənir.