Keçən il Hindistanda baş
vermiş Mumbay
hücumu zamanı sağ qalmış terrorçu etdiyi cinayətə görə asılmağa hazır olduğunu
bildirib. Pakistan əsilli Məhəmməd Acmal Kasab bazar ertəsi 166 nəfərin ölümü
ilə nəticələnən 2 günlük hücumda iştirakçılardan biri olduğunu gözlənilmədən
qəbul edib. Bu gün məhkəməsi zamanı Kasab deyib ki, cəzasını qəbul etməyə
hazırdır və qərarın yüngülləşdirilməsini istəmir. Hakim hələlik müttəhimin
vəsatətinin qəbul olunub-olunmaması barədə heç bir qərar çıxartmayıb. Kasaba
qarşı 86 ittiham irəli sürülüb. İttihamlar təsdiq olunacağı təqdirdə onu ölüm
hokum gözləyir. May ayında məhkəmə başlayanda o, günahsız olduğunu bildirsə də,
sonrada günahını boynuna alıb.