Rusiya ABŞ tərəfindən axtarışda olan
mütəşəkkil cinayət dəstəsinin bossunu sərbəst buraxıb. Rusiya Daxili İşlər
Nazirliyi deyir ki, məhkəmə Semyon Moqileviçə bəraət qazandırıb. Keçən il
Rusiyada həbs edilən Moqileviç böyük kosmetika şirkəti ilə bağlı vergidən
yayınmada ittiham olunurdu. Rusiya məhkəməsi onun qanuni müvəqqəti saxlanma
müddətinin sona çatması barədə hökm çıxarıb. Böyük Britaniya qəzeti “Financial
Times” Moqileviçin vəkilinə istinadən bildirir ki, ona qarşı heç bir ittiham
irəli sürülmüyüb. ABŞ Federal Təhqiqatlar Bürosu bildirir ki, Moqiloviç banditizm,
təhlükəsizlik, pul köçürülməsi kimi bir çox fırıldaqçılığa görə axtarışdadır.