Rəsmilər deyir ki, Birma demokratik hərəkatının
lideri Aunq San Suu Kyinin ev dustaqlığı qaydalarını pozmaq ittihamlarına dair
məhkəməsi baş çatıb. Hökmün cümə günü
açıqlanacağı gözlənilir. İddialar sübuta yetiriləcəyi təqdirdə Nobel Sülh
Mükafatı laureatı 5 illik həbsə məhkum edilə bilər. Fransa xəbər agentliyi
məhkəmə rəsmilərinə istinadən bildirir ki, belə olsa həbs müddəti hökm oxunan
gündən başlayacaq. Birma hərbi hökumətinin ittihamçıları dünən məhkəməyə son
dəlillərini təqdim ediblər. Aunq San Suu Kyinin vəkilləri, iki yerli köməkçi və
amerikalı Con Yettau bugünkü sessiyada ittihamçıların suallarını
cavablandırıblar. Vəkil Nyan Vin Amerikanın səsinə bildirib ki, bağlanış
dəlillərinin 4 saatlıq təqdimatına baxmayaraq, prokurorların ittihamnaməsi
qanuni çəhətdən zəif olub.