Özbəkistan
Rusiyanın qonşu Qırğızıstanda hərbi mövcudiyyətini genişləndirməsini tənqid
edib. Özbəkistan xarici işlər
nazirliyinin Cahon xəbər agentliyi bildirib ki, rus qoşunlarının Qırğızıstanda
artması əlavə militarizasiyaya və millətlərarası konfliktlərə yol aça
bilər. Agentlik həmçinin bəyan edib ki,
Rusiyanın regiondakı mövcudiyyəti radikal ekstremist qüvvələrin fəallaşmasına
rəvac verə bilər. Rusiya ötən həftə
Qırğızıstanla həmin ölkənin Özbəkistanla sərhədində ikinci baza açmaq haqda
saziş imzalayıb. Rusiyanın paytaxt
Bişkek yaxınlığında artıq bir bazası var.
ABŞ-la yaxın münasibətlər qurmağa çalışan Özbəkistanın Rusiya ilə
münasibətləri son vaxtlar soyuyub.