Accessibility links

İran amerikalı 3 turistin həbsini təsdiq etdi


İranın dövlət mətbuatı bu gün təsdiq edib ki, Tehran ölkəyə İraqdan icazəsiz daxil olma ittihamları ilə 3 amerikalını nəzarət altına alıb. İran rəsmiləri xəbər agentliklətinə amerikalıların kimliyini açıqlamayıb. ABŞ dövlət katibi Hillari Klinton İranı itkin düşmüş və İranda həbs olunduğu ehtimal edilən 3 turist barədə məlumat verməyə çağırmışdı. Xanım Klinton dünən jurnalistlərə bildirib ki, Birləşmiş Ştatlar Tehrandakı İsveçrə səfirliyinin vasitəsi ilə üçlüyün harada saxlandığını öyrənmək və onların evlərinə qayıtması üçün iş aparır. Qeyd edək ki, ABŞ-la İran arasında diplomatik əlaqələr mövcud deyil. İraqın Kürdüstan regionunun təhlükəsizlik xidmətinin rəhbəri deyib ki, 3 turist İraq İran sərhədindəki şəlaləni görmək üçün getsə də, təsadüfən İrana daxil olublar.
XS
SM
MD
LG