İranın
İnqilab Şurasının ali rəsmisi deyir ki, müxalifət liderləri mübahisəli
seçkilərdən sonra iğtişaşlara başladıqlarına görə həbs edilməlidir. Yadulla
Cavaninin bildirdiyinə görə, sabiq prezident Məhəmməd Xatəmi, məğlub namizədlər
Mir Hüseyn Musəvi və Mehdi Kərrubi etiraz aksiyalarının əsas təşkilatçıları
olub. O deyib ki, hökumət onları həbs etməli, onların məhkəməsini keçirib
cəzalandırmalıdır. İranın hüquq-mühafizə orqanları 12 iyun seçkilərində prezident
Mahmud Əhmədinejadın saxtakarlıqlar nəticəsində yenidən dövlət başçısı
seçildiyini deyərək etiraz aksiyaları keçirən minlərlə müxalif fəalı və nümayiş
iştirakçısını həbs edib. Həbs olunanların bir neçəsi məhbəsdə həlak olub və
İranın polis rəsmiləri Tehran yaxınlığındakı Kahrizak saxlama məntəqəsində
məhbuslarla pis rəftar edildiyini etiraf ediblər.