İranda 28 müttəhim iyunda prezident
seçkilərinin ardınca baş verən iğtişaşlar ittihamı ilə məhkəməyə
çıxarılıb. Bu, iyun hadisələrindən bəri
keçirilən üçüncü kütləvi siyasi məhkəmədir.
Bu
arada İran prezidenti Mahmud Əhmədinejad bildirir ki, o, azı 3 qadını
kabinetinə üzv təyin edəcək. İran islam
hökumətinin tarixində bu, ilk belə hadisədir.
Bu gün televiziyada çıxış edən prezident deyib
ki, o, Fatema Acorlunu sosial təminat naziri və Mərziyə Vahid Dəstgerdini səhiyyə
naziri təyin edəcək. Xanım Dəstgerdi
Milli Məclisin üzvüdür. Lakin cənab Əhmədinejad üçüncü qadının adını açıqlamayıb. 1979- cu il
İslam inqilabından sonra, qadın nazir Fərroxru Pərsey korrupsiya ittihamı ilə
edam edilmişdi.