Cənubi
Koreyanın mərhum prezidenti Kim Dae-Cunqun dəfn mərasimi keçirilib. O, diktatorluqla
mübarizə apararaq ölkəyə demokratiya gətirib və prezident olandan Şimali Koreya
ilə münasibətlərin yaxşılaşmasına çalışıb. Uzun illər müxalifət lideri olan
zaman ölüm təhdidləri, həbslərlə üzləşəndən sonra 1998-ci ildə Cənubi Koreyanın
prezidenti olan cənab Kimin dəfn mərasimi Milli Assambleyada keçirilib.
Minlərlə siyasətçi, xarici nümayəndər və sadə insanlar mərasimə qatılıb. Qeyd
edək ki, cənab Kim bu həftənin çərşənbə axşamı günü 85 yaşında dünyasını
dəyişmişdi. Çıxışı zamanı Cənubi Koreyanın baş naziri Han Seunq-Su deyib ki,
cənab Kim Koreya yarımadası ikiyə bölünəndən sonra ilk dəfə keçirilən
Cənub-Şimal sammiti vasitəsilə Koreyalararası barışığa, mübadiləyə və
əməkdaşlığa yol açıb.