77 yaşında dünyasını dəyişən ABŞ senatoru, Amerikanın
ən nüfuzlu siyasətçilərindən olan Edvard Kennedi bu
gün torpağa tapşırılır. Senatorun dəfn mərasimində minlərlə insanın iştirak edir. Onlar arasında ABŞ-ın sabiq prezidentləri Cimmi Karter, Bill
Klinton və Corc Buş da var.
47 il
Senatda xidmət göstərən Ted Kennedi Vaşinqton yaxınlığındakı Arlinqton Milli
qəbiristanlığında dəfn ediləcək. Bu gün ABŞ prezidenti Barak Obama Bostonda keçirilən mərasimdə nitq
söyləyib.
Amerikanın sabiq prezidenti Con F. Kennedinin ən kiçik qardaşı Ted
Kennedi beyin xərçəngindən iztirab çəkirdi. Senator Kennedi çərşənbə axşamı
gecə Massaçusetts ştatının Hayannis şəhərindəki evində vəfat edib.