İndoneziyanin
Fəlakətlərə Nəzarət Agentliyi deyir ki, bu gün arxepelaqda baş verən güclü
zəlzələ nəticəsində azı 6 nəfər həlak olub. Yeraltı təkanlar Yava adasında
paytaxt Cakartadan 200 kilometr cənub-şərqdə qeydə alınıb. Zəlzələ 62 kilometrlik
dərinlikdə baş verib. ABŞ-ın Geoloji Araşdırmalar
Mərkəzi zəlzələni Rixter Şkalası ilə 7.4
bal gücündə qiymətləndirib. Cakartada binaların titrədən zəlzələ təşvişə səbəb
olub və ofisdə olan insanlar küçələrə qaçmaq məcburiyyətində qalıblar.
Tasikmalaya və Bandung şəhərlərində bir neçə bina dağılıb. Havaydakı Sakit
Okean Sunami Mərkəzi okeanda dalğaların çox böyük olmamasına görə, sunami haqda
xəbərdarlığı ləğv edib.