ABŞ
prezidenti Barak Obamanın səhiyyə islahatları barədə Konqres qarşısında
sentyabrın 9-da çıxış edəcəyi gözlənilir. Ağ Ev rəsmisi Deyvid Akselrod bunu
dünən bəyan edib və cənab Obama qanunvericilərin səhiyyə islahatlarına dair
qanun layihəsini qəbul etməsinə çalışır. Son radio və internet müraciətində
cənab Obama islahata müxalif olanların ittihamlarının yalnış olduğuna
inandırmağa çalışıb. O, deyib ki, bu saxta iddialar Amerikalıların bölünməsinə
rəvac verir. O, habelə deyib ki, hökumətin nəzarətində olan səhiyyə sığortası
təklifi özəl planlarla yanaşı fəaliyyət göstərə bilər.