Israilin xarici işlər naziri
Avidqor Liberman heç bir şərt irəli sürülmədən keçirildiyinə görə, baş nazir Benyamin
Netanyahunun Fələstin və ABŞ
prezidentləri ilə görüşünü nailiyyət kimi qiymətləndirib. İsrail radiosuna
müsahibəsi zamanı nazir deyib ki, İsrail hökuməti təslim olmayacağı və güzəşdə
getməyəcəyini artıq sübut edib.
Fələstinlilər isə Şərqi Qüds və İordan çayının qərb sahillərinin işğal edilmiş ərazilərində inşaat işləri dayandırılmayınca, İsraillə danışıqlara qayıtmayacaqlarını deyirlər. Fələstinlilərin mövqeyi ABŞ tərəfindən dəstəklənir. ABŞ dövlət başçısı Barak Obama Nyu-York görüşündən sonra deyib ki, tərəflər kompromislərə hazır olmalıdır.