Üsəma Bin Ladenin səsi olduğu güman edilən yeni audio yazıda Əl-Qaidənin
lideri avropalıları Amerikalılarla əlaqələrini kəsməyə çağırır. Bin Laden
Amerikanın Əfqanıstandakı müttəfiqlərini qoşunlarını geri çəkməyə, əks təqdirdə
təcavüzkarın təcavüzə məruz qalanların intiqamı ilə üzləşəcəyini bildirib.
Audio yazı Əl-Səhab Media tərəfindən həm
ingilis, həm də alman subtitrləri, habelə Bin Ladenin Avropa xəritəsi üzərində
şəkli ilə yayılıb.
Bin Ladenin xəbərdarlığı Almaniya bazar günü keçiriləcək ümumilli
seçkilərindən əvvəl edilir. Əl-Qaidə lideri Amerika qüvvələrinin yaxın zamanda NATO müttəfiqlərini tərk
edərək, Əfqanıstandan çıxacağını deyib. Avropalılara üz tutan Bin Laden deyib
ki, intiqamın hədəfi yalnız siz olacaqsınız.
Audionun həqiqiliyi müəyyən
edilməyib, lakin əvvəlki yazılarla müqayisə edilən səsin Bin Ladenə məxsus
olduğu deyilir. Əl-Qaidə lideri son dəfə
2001-ci il 11 sentyabr terror aksiyalarının 8-ci ildönümü ərəfəsində
amerikalılara xəbərdarlıq vermişdi.