İranın
elitar İnqilab Qvardiyası gələn bazar günündən etibarən raketlərə qarşı müdafiə
təlimlərinə başlayacağını elan edib.
İranın xəbər agentlikləri tərəfindən yayılan bəyanatda İnqilab
Qvardiyasnın hava qüvvələrinin İranın müdafiə qabiliyyətlərini təkmilləşdirmək
üçün manevrlər keçirəcəyi bildirilir. Bu
ayın əvvəlində İran radardan yayına bilən kruiz raketlərini vurmaq
qabiliyyətində olan silahlar sistemi inkişaf etdirdiyini elan etmişdi. İran həmçinin deyilənlərə görə İsraili,
ABŞ-ın Yaxın Şərqdəki bazalarını və cənubu Şərqi Avropanı vura biləcək
raketləri sınaqdan keçirdiyini bildirib.
ABŞ və İsrail İranın nüvə obyektlərinə hərbi hücumu istisna etməyiblər,
belə ki, bu dövlətlər İranın gizlində atom bombası istehsal etməyə can atdığına
inanır.