Xarici
xilasetmə dəstələri İndoneziyanın
Sumatra adasında zəlzələ nəticəsində dağıntılar altında qalmış insanları xilas
etməyə çalışırlar. Bu arada isə ölkə
rəsmiləri çərşənbə günü baş verən güclü zəlzələ nəticəsində ölənlərin sayının
artmaqda davam etdiyini deyir. BMT-nin
humanitar məsələlər üzrə rəhbəri Con Holms ölənlərin sayının 1,100-ü ötə
biləcəyini deyir. 7.6 bal gücündə
zəlzələnin episentri İndoneziya adası Sumatra sahilləri yaxınlığında olub. Rəsmilər hələ də dağıtıların miqyasını
müəyyən etməyə çalışırlar. Sumatranın
padanq şəhərində azı 500 binanın çökdüyü bildirilir. Dağılan binalar arasında xəstəxana, otel və
tədris obyektləri var.