Maykl Ceksonun “This is İt” adlı albomundan sinq açıqlanıb.
Polisin və mühafizəçilərin müşayiət etdiyi avtomobil sinqlin yazıldığı diski Londonda Soni korporasiyasının qərargahına gətirib.
Maykl Ceksonun azarkeşləri hadisəni izləmək üçün binanın qarşısında toplaşmışlar. Onlar mahnının populyarlıq qazanacağına inanırlar.
Mahnının daxil olduğu eyni adlı iki albomun da bu yaxınlarda işıq üzü görəcəyi gözlənilir.
Musuqi Maykl Ceksonun Londonda planlaşdırdığı konsertlərdən öncə keçirdiyi məşqlər haqda “This is İt” adlı filmində səslənir.
Albom oktyabrın 27-i satışa çıxarılacaq iki həftə ərzində nümayiş etdiriləcək, film isə Amerika kino-ekranlarında oktyabrın 28-dən sonra göstərilməyə başlayacaq.
Diskdə Ceksonun klassik hitləri filmdə olduğu kimi bir-birinin ardınca gəlir. Sonda isə “This is İt” mahnısı səslənir.
İkinci diskə Ceksonun müxtəlif hitləri daxil edilib. Maykl Ceksonun son məşqlərindən şəkillərin daxil edildiyi 36 səhifədən ibarət albom disklərə əlavə edilib.