Rusiya
polisinin bildirdiyinə görə, İnquşetiya regionun tanınmış müxalifət lideri
silahlı şəxslər tərəfindən açılan atəş nəticəsində qətlə yetirilib. Rəsmilərin
məlumatına görə, müxalifət lideri Makşarip Auşevin avtomobili Kabardin-Balkar
regionundakı Nalçik şəhəri ətrafında avtomat silahlarda atəşə tutulub. Auşev
keçən il Rusiya dövlət başçısı Dmitri Medvedyev tərəfindən istefaya göndərilən
İnquşetiya regionunun sabiq prezidenti Murat Zyazikovu korrupsiyaya görə sərt
tənqid edirdi. Bununla yanaşı, Auşevin Kremlin keçmiş prezidentin əvəzinə təyin
etdiyi Yunusbek Yevkurovla əlaqələri yaxşı idi. Qeyd edək ki, son zamanlar
Çeçenistan da daxil olmaqla Rusiyanın Şimali Qafqaz vilayətlərində
zorakılıqların sayının artdığı müşahidə olunur.