Bu gün Beynəlxalq Müharibə Cinayətləri Tribunalında
Bosniya serblərinin lideri Radovan Karadziçin məhkəməsi müttəhimsiz
başlayıb. Karadziç məhkəmənin açılış
günü prosesdə iştirak etməkdən imtina edib. Əlavə vaxta ehtiyacı olduğunu deyən
Kradziçin məhkəməsi 20 dəqiqədən sonra işini dayandırıb.
Prokurorlar 15 aydır
nəzarət altında olan Karadziçin hazırlaşmaq üçün kifayət qədər vaxtı olduğunu
deyir. Lakin məhkəmə onun hüquqlarına hörmət göstərilməli olduğunu bildirib.
Genosid də daxil edilməklə, 11maddə üzrə ittiham edilən Karadziç 1995-ci ildə 8000 müsəlmanın öldürülməsində günahlandırılır.
Məhkəmə işini sabah davam etdirəcək.