ABŞ
dövlət katibi Hillari Klinton Yaxın Şərq sülh prosesinin yenidən başladılması
ilə bağlı İsrail və Fələstin rəsmiləri ilə danışıqlar aparır. Xanım Klinton ABŞ
nümayəndəsi Corc Mitçellə birgə bu gün Birləşmiş Ərəb Əmirliklərinin paytaxtı
Əbu-Dəbidə Fələstinlilərin prezidenti Mahmud Abbasla görüşüb. Onun həmçinin
İsrailin baş naziri Benyamin Netanyahu ilə də danışıqlar aparacağı gözlənilir.
İsrail lideri dünən bildirib ki, o, fələstinlilərlə sülh danışıqlarının bərpası
barədə müzakirələrin keçirilməsini səbrsizliklə gözləyir. Baş nazir Netanyahu bu
açıqlamaları Qüdsdə cənab Mitçellə görüşdən sonra verib.