ABŞ Dövlət katibi Hillari Klinton bildirib ki, Amerikanın yüksək səviyyəli diplomatı təcrid olunmuş rejimlə danışıqlar aparmaq üçün Şimali Koreya səfər edəcək.
Klinton bu açıqlamaları bu gün Asiya-Sakit okeanı İqtisadi Əməkdaşlıq forumu çərçivəsində verib. ABŞ Dövlət Departamenti Şimalın nüvə proqramı ətrafında altıtərəfli danışıqları canlandırmaq məqsədilə xüsusi nümayəndə Stiven Bosvortu Pxenyana göndərəcəyini bildirmiıdi.
Pxenyan aprel ayından danışıqları boykot edib.
Klinton Asiya ölkələrini Birmanın hərbi rejimini 2010-cu ildə demorkatik seçki keçirməyə təşviq etməyə çağırıb.