Rusiya
Xarici İşlər Nazirinin bildirdiyinə görə, Moskva və Vaşinqton müddəti sona
çatan nüvə silahlarına dair sazişi yeniləməyə yaxındırlar. Nazirliyin bu gün açıqladığı bəyanatda deyilir ki,
imzalamaya hazırlıqla bağlı aparılan intensiv iş sona çatmaq üzrədir. Birləşmiş
Ştatlar və Rusiya müzakirəçiləri Cenevrədə 1991-ci il Strateji Silahların
Azaldılması Sazişinin yenilənməsi üçün birgə iş aparıblar. START adı ilə
tanınan bu sazişin müddəti sabah sona çatır. Yeni saziş ABŞ və Rusiyada nüvə
silahları arsenalının və bu silahların buraxılması üçün lazım olan sistemlərin
daha da azaldılmasını nəzərdə tutur. Bu ilin iyul ayında Birləşmiş Ştatlar prezidenti Barak Obama və
rusiyalı həmkarı Dmitri Medvedyev Moskva sammitində razılığa gəlmişdilər ki,
yeni sazişin bir hissəsi olaraq nüvə başlıqlarının sayı qarşıdakı 7 il ərzində
hazırkı səviyyəsindən 1500-1675-ə qədər azaldılsın.