ABŞ-ın Əfqanıstandakı baş komandiri deyib ki, prezident Barak Obamanın yeni strategiyasında nəzərdə tutulanların həyata keçirilməsi mümkündür və Amerika əsgərlərinin sayı 2011-ci ilin ortalarından başlayaraq azaldıla bilər.
Bu gün Konqresdə danışan general Stenli Makkristal prezident Obamanın Əfqanıstana əlavə otuz min Amerika əsgəri göndərmək qərarına tam dəstək bildirib.
Makkristal deyib ki, o, ABŞ-ın Əfqanıstanda inkişafa nail olmaq üçün indi
həm düzgün strategiyaya, həm də resurslara malik olduğuna inanır. Onun sözlərinə görə, o, bir il ərzində
əsgərlərin sayının artırılmasının xeyri olub-olmadığının aydın olacağını düşünür.
Bundan öncə əsgərlərin sayının artırılması haqda sual qaldırmış ABŞ-ın Əfqanıstandakı səfiri Karl Aykenberri də indi prezidentin planını dəstəklədiyini bildirib.