ABŞ
hökuməti terrorizm riski yüksək olan 14 dövlətdən ABŞ-a gələn insanların daha
ciddi yoxlanmasına göstəriş verib. Yeni təhlükəsizlik tədbirləri keçən il
dekabrın 25-i Birləşmiş Ştatlara gələn təyyarədə bomba hücumu cəhdindən sonraya
təsadüf edir. Nəqliyyat Təhlükəsizliyi Administrasiyası dünən bildirib ki,
terrorizmi dəstəkləyən dövlətlərdən və ya maraq dairəsində olan digər
dövlətlərdən və ya həmin dövlətlər vasitəsilə ABŞ-a gələn hər bir kəsə yeni
yoxlama qaydaları tətbiq olunacaq. Dövlət Departamentinin terrorizmi
təsdəkləyən dovlətlər siyahısına Kuba, İran, Sudan və Suriya daxildir. ABŞ
mətbuatı yazır ki, Əfqanıstan, Əlcəzair, İraq, Livan, Liviya, Nigeriya,
Pakistan, Səudiyyə Ərəbistanı, Somali və Yəməndən olan sərnişinlər də ciddi
yoxlama ilə üzləşəcəklər.