Haiti
də son 200 ildəki
ən güclü zəlzələnin baş verməsi nəticəsində çoxsaylı insan həlak olub. BMT-nin
Haitidəki missiyasının üzvləri də daxil olmaqla minlərlə insanın öldüyü və ya
itkin düşdüyü ehtimal olunur. Fransa xarici işlər naziri Bernard Kuçner Fransa
radiosuna bildirib ki, BMT missiyasının rəhbəri Hedi Annabinin öldüyü guman
olunur. Episentri Paytaxt Port-o- Prensin yaxınlığında yerləşən, Rixter şkalası ilə 7 bal
gücündə olan zəlzələ və ondan sonra baş verən yeraltı təkanlar şəhərdə mərkəzi xəstəxananı, prezident iqamətgahını, bir
neçə nazirlik binasını və BMT sülh məramlı missiyasının baş qərargahını
dağıdıb. Yollar bağlanıb, şəhər boyu bütün elektrik və kommunikasiyalar
kəsilib. Bu isə itkilərin miqdarının müəyyən olunmasını çətinləşdirib. Braziliya
ordu rəsmiləri BMT missiyasında olan 4 Braziliya əsgərinin həlak olmasını
təsdiq edib. Beynəlxalq Xaç Cəmiyyəti üç milyona qədər insanın zəlzələdən təsir gördüyünü bildirib. Şahidlər küçələrdə cəsədlərin göründüyünü deyirlər. Zəlzələ nəticəsində minlərlə insanın həyatını itirdiyi təxmin edilir.