ABŞ prezidenti Barak
Obama Haitidəki zəlzələni fəlakət adlandırıb. Prezident bu gün Ağ
Evdə bəyan edib ki, Amerika yardım səylərinə dəstək məqsədilə əlavə 100 milyon
dollar ayırır. Onun sözlərinə görə, ABŞ-ın Haitiyə dəstəyinin bir hissəsi artıq
çatıb və yerdə qalan hissə də qısa zamanda çatacaq. Prezident ABŞ yardımının və
heyətlərinin Haitiyə tam çatmasının saatlar və bəlkə də günlər apara biləcəyini
deyib. Cənab Obama Birləşmiş Ştatların Haiti ilə həmrəy olduğunu dilə gətirib.
ABŞ-la dünyanın bir çox ölkələri də Haitiyə yardımlarını əsirgəmirlər. Çin,
İspaniya, və başqa dövlətlərdən təchizat və işçiləri gətirən təyyarələr Haitiyə
bu gün çatıb.