Haitidəki yardım işçiləri keçən
həftə baş verən zəlzələdən sonra irəliləyişlər
əldə edildiyini desələr də, bölgəyə yardımların hələ də yavaş
çardırıldığını deyirlər. Yardım işçilərinin dediyinə görə, dünya ölkələrindən
bölgəyə göndərilən yardımlar
təmir edilmiş yollar və gəmilər vasitəsi ilə çatdırılır. BMT-nin Dünya Ərzaq Proqramı təşkilatının
icraedici direktoru Jozette Şiranın bu gün Haitidə vəziyyəti görmək, hökumət və
yardım agentliklərinin rəsmiləri ilə görüşmək üçün bu gün bölgəyə səfər edəcəyi
gözlənilir. Xilasetmə işçilərinin hələ
də Port-o Prinsdə dağıntılar altında sağ qalanların axtarışını davam
etdirdikləri, ölənlərin isə kütləvi məzarda basdırıldığı bildirilir. Birləşmiş Ştatların hərbi rəsmiləri yenə də 4000-ə qədər hərbi dəniz donanması əsgərinin zəlzələ bölgəsinə göndəriləcəyini
deyirlər. Bununla Birləşmiş Ştatlar
Haitiyə 14 min hərbi qüvvə göndərmiş olur.