Tibetin dini lideri Dalay Lamanın 2 nümayəndəsi Çin hökuməti
ilə danışıqlardan sonra Hindistana geri dönüblər. Tibetin mühacirətdə olan
hökumətinin sözçüsü Tubten Semfel deyib ki, onlar Çinlə təmasın bərpasından
ruhlanıblar. Bununla yanaşı, Çin dövlət mətbuatının məlumatına görə, keçən
həftə danışıqlar zamanı Pekin rəsmiləri Tibetin suverenliyi barədə Çinin heç
bir güzəştə getməyəcəyini bildirib. Şinhua xəbər agentliyi danışıqlardan məsul
departamentin rəhbəri Du Qinqlinə istinadən bildirib ki, Çin müzakirələrə açıq
deyil və Tibetin müxtariyyət əldə etməsinə dair heç bir güzəştə getməyəcək.