Accessibility links

Ukraynanın yenicə seçilmiş prezidenti Rusiya ilə münasibətləri yaxşılaşdırmaq əzmindədir


Ukrayna prezident seçkilərinin qalibi Viktor Yanukoviç deyir ki, o, Rusiya ilə dost münasibətləri bərpa etməkdə qətidir. Rusiya dövlət televiziyasına müsahibədə cənab Yanukoviç bildirib ki, o, bir sıra məsələləri, o cümlədən Rusiyanın Sevastopol şəhərindəki donanma bazasının lisenziyasını uzatmağı yenidən nəzərdən keçirəcək. Cənab Yanukoviç Rusiyanın Qara Dəniz donanmasının Ukraynada 2017-ci ildən sonra qala biləcəyini istisna etməyib. Bu iki ölkə son illərdə donanmanın qalma hüququ ilə bağlı bir-birlərinə qarşı ittihamlar irəli sürüblər. Başqa ixtilaf nöqtəsi Ukraynanın NATO-ya daxil olmaq yönümündəki addımlarından qaynaqlanır. Cənab Yanukoviç aydın edib ki, Qərblə münasibətlərin çərçivəsini genişləndirmək planı yoxdur və əgər Ukrayna nə vaxtsa NATO üzvü olmaq istəyərsə, bu, referendum vasitəsilə müəyyən ediləcək.
XS
SM
MD
LG