<!-- IMAGE -->İraq rəsmiləri deyir ki, Anbar vilayətində intiharçı
hücumu nəticəsində 11 nəfər həlak olub, 20 nəfər isə müxtəlif dərəcəli bədən
xəsarəti alıb. Hökumət rəsmilərinin sözlərinə görə, intiharçı Ramadi şəhərinin
yerli hökumət binaları yaxınlığındakı yoxlama məntəqəsini partladıb. Son
zamanlar Anbar vilayətində zorakılıqların artdığı müşahidə edilir. Bura bir zamanlar yaraqlıların əsas bazası
idi. 2006-cı ildən başlayaraq vilayətdə sakitlik müşahidə edilməyə başlamışdı.
O zaman sünni qəbilələr yaraqlıları qovmaq üçün ABŞ hərbçiləri ilə birgə
işləməyə başlamışdı. Qeyd edək ki, İraq
mart ayının 7-də parlament seçkilərinə hazırlaşır.