Mixail Xodorkovski ədliyyə sistemində islahatlar olunmadığı təqdirdə Rusiyanı iğtişaşlar gözlədiyini deyib

<!-- IMAGE -->

Həbsdə olan neft maqnatı Mixail Xodorkovski xəbərdarlıq edib ki, əgər ədliyyə sistemi islah olunmasa onda Rusiyanı zorakı iğtişaşlar gözləyir.Sabiq milyarder, indi müflis olmuş Yukos Neft Şirkətinin keçmiş prezidenti bu xəbərdarlığı Nezavisimaya Qazetada yazdığı məqalədə açıqlayıb.Məqalə Avropa İnsan Haqları Məhkəməsinin Yukosun Rusiya hökuməti tərəfindən qeyri-qanuni olaraq dağıdılması ilə bağlı şikayəti dinləməsi ərəfəsində dərc olunub.Xodorkovski və onun biznes tərəfdaşı Platon Lebedev 2005-ci ildə vergidən yayınma və fırıldaqçılıq ittihamı ilə 8 illik həbs cəzası çəkirlər.Ona qarşı irəli sürülmüş yeni ittihamlar əsasında məhkum edilərsə, Xodorkovskini əlavə 22 il həbs cəzası gözləyir.