ABŞ prezidenti Barak Obama İsrailin Baş naziri benyamin Netanyahunun Yaxın Şərq sülh prosesində etibarın yaranması üçün addımlar atmasını istəyib.
Ağ Evin sözçüsü Robert Gibbs bu gün deyib ki, prezident və cənab Netanyahu regional təhlükəsislik, əhatəli slüh səyləri və ABŞ-la İsrail arasında münasibətlərə dair səmimi və açıq danışıqlar aparıblar.
Bu görüş Israilin sülh səylərini daha da mürəkkəbləşdirə biləcək addım ataraq, Şərqi Qüdsdə 20 yeni evin inşasına yekun razılıq verdiyi vaxt keçirilib.
Obama administrasiyası İsraili Şərqi Qüdsdə 1600 evin inşa edilməsi planlarına görə bu ayın əvvəli tənqi etmişdi. Fələstinlilər Şərqi Qüdsü gələcək Fələstin dövlətinin paytaxtı elan ediblər.
