Azərbaycan parlamenti Əfqanıstanda beynəlxalq sülhümühafizə missiyasına 30 Azərbaycan əsgərinin qoşulmasına səs veriib. Müdafiə nazirinin müavini Məmməd Beydullayev Azərbaycan əsgərlərinin Türkiyənin hərbi qüvvələri tərkibində xidmət edəcəklərini və bunun Türkliyə tərəfindən maliyyələşdiriləcəyini bildirib. Nazir müavininin dediyinə görə, əsgərlərin hazırlığı NATO standartlarına cavab verir. Azərbaycan taqımı Əfqanıstana çərşənbə axşamı günü yola düşməlidir.