Bu gün Yerevanda siyasi müxalifətin 5 minə yaxın tərfədarı prezident seçkilərində yol verilən saxtakarlıqlara e’tiraz məqsədi ilə nümayiş keçirmiş, prezident Koçaryanın iste’fasına çağırmışlar. Ermənistanın Mərkəzi Seçki Komissiyası cənab Koçaryanın 49.8, müxalif namizəd Stepan Dəmirçyanın 28.3 səs topladığını bildirir. 8 namizəd arasında ən çox səs toplayan bu iki namizəd seçkilərin martın 5-də keçiriləcək ikinci raundunda yenidən yarışacaqlar.