İraqda yaraqlıların koalisiya qüvvələrinə qarşı hücumlarının qarşısını almaq üçün şənbə günündən yeni əməliyyata başlanılıb. Bunu bildirən Birləşmiş Ştatların hərbi qüvvələrinin rəsmi nümayəndələri deyiblər ki, əməliyyat Səddam Hüseyn və onun “Bə’əs” partiyasının hakimiyyətə gəlməsinin ildönümü ilə əlaqədar planlaşdırılması mümkün hücumların qarşısını almaq məqsədi güdür. Bu, aprel ayında İraq hökumətinin hakimiyyətdən devrilməsindən sonra ölkədə həyata keçirilən dördüncü hərbi əməliyyatdır. Əməliyyat Bağdaddan şimalda Səddam Hüsyenin tərəfdarlarının yerləşdiyi əsas ərazilərdə aparılır.