Gürcüstan prezidenti Mixail Saakaşvili iki separatist region-Cənubi Osetiya və Abxaziya liderlərini Gürcüstanla birliyə və gələcək statusları ilə bağlı müzakirələrə çağırıb. Gürcüstan prezidenti deyib ki, o, dövlət strukturunun hər bir modelini nəzərdən keçirməyə və regionların maraqlarını nəzərə almağa hazırdır. Prezident Saakaşvili bu çıxışını Gürcüstanın 1918-ci il Rusiya imperiyasından müstəqillik əldə etməsinin ildönümü münaisbəti ilə təşkil edilən mərasimdə etmişdir.