Bakıda Cümə məscidində Cümə icması və dövlət arasında mübahisələrin getdiyi vaxt polis və dindarlar arasında toqquşma olub. Rəsmilər cümə namazını saxlamış, dörd dindarı həbs etmişlər. Tarixi məscidin qapısına vurulmuş yazıda onun təmir üçün bağlandığı deyilir. Cümə axşamı günü Amerika Birləşmiş Ştatlarının ATƏT-dəki nümayəndəsi tərəfləri məsələni Cümə icmasının dini azadlığına tam hörmət prinsipləri əsasında həll etməyə çağırmışdır.